Bariyev: işğalciler Qırımda rf ordusında askerlik yapmaqtan qaçqan qırımtatarlarnı qıdıra

Haberler
Muarrir
2023 yanvarnıñ 19 , 20:54
Muarrir
2023 yanvarnıñ 19 , 20:54

Qırımda işğalcilerniñ “rf silâlı quvetlerinde askerlik yapmaqtan qaçıqan qırımtatar milleti mensüpleriniñ cedveli” degen cedveli bar.

Bu aqta Qırımtatar Resurs Merkezi idaresiniñ reberi, Qırımtatar halq Meclisiniñ azası Eskender Bariyev “Espreso” telekanalına bergen intervyusında söz yürsetti dep haber ete Facebookta QRM.

Bu sebepten, bu cedvelge adı kirsetilgen aqqında belli olğan er kesni qıdırılğanı boyunca tenbiyeleymiz. Böyleliknen, seferdarlıq devam ete, amma faal sürette degil, – dey Bariyev.   

Qırımda keçken seferdarlıq hususında ise, o rusiyeliler iyül ayında komissiyalar tizip, qısmiy seferdarlıq keçirmege başlayaraq, 60 biñden ziyade seferdarlıqqa çağıruv kâğıtları dağıtqanlarını qayd ete.

Alğan malümatımızğa köre, al-azırda olar azbarma-azbar dolaşıp, o ya da bu evde qaç kişi yaşağanına dair malümat toplay ekenler, – dep qayd ete Bariyev.

Onıñ sözlerine köre, azbarma-azbar dolaşıp malümat toplav ve cedvel boyunca insanlarnı qıdıruv – işğalciler rf silâlı quvetleriniñ saflarını toldurıp, Ukrainadaki cenkke yollamağa tırışqanlarına işaret etmekte.