Bİİ, işğalciler öz ordusına qaç kişi seferdar etkeni aqqında haber etti

Haberler
Muarrir
2023 yanvarnıñ 23 , 20:18
Muarrir
2023 yanvarnıñ 23 , 20:18

Rusiyeli işğalciler öz ordusına 300 biñ yerine, 315 biñ kişi seferdar etti.

Bu aqta Ukraina Mudafaa nazirligi Baş istihbarat idaresi (Bİİ) reberiniñ muavini Vadym Skibitsky Ukrinformğa ikâye etip berdi.  

Bugünki künde, bizim esabımızğa köre, artıq 300 biñ degil de, 315 biñ kişi çağırıldı. Al-azırda olar vaqtınca ilhaq etilgen Lugansk ve Donetsk vilâyetlerinde nevbetteki seferdarlıqnı ötkermekteler. Bu tezlikte devam etken cenk sebebinden o yerlerde çalışabilecek erkek qalmaz, – dedi o.

Onıñ sözlerine köre, rusiyeliler al-azırda silâ qıtlığı çeke, zira öz ihtiyaclarını mevcut istisal küçünen qapatıp olamaylâr.

Moskva ihtiyatta beklegen tehnika ve silânı ambarlardan çıqarıp başladı, lâkin olar anda 30 yıl ya da ondan da ziyade vaqıttan berli tura ve tamir em de nezaretten keçmek kerek. Biz bunı, deyik, 1 tank ordusınıñ 2-nci taburı boyunca bilemiz. Olar arbiy azırlıqnı ta dekabrniñ birinde bitirmek kerek ediler, amma yanvarniñ birinde bitirdiler. İlâve 500 biñ kişi seferdar etilgen taqdirde olarnı teminlev meselesinde daa ziyade qıyıncılıq çıqar, – dep o, seferdarlıq işğalcilerniñ iqtisadiyatına menfiy tesir etkenini ilâve etti.

Cebedeki muvafaqiyetsizlikler sebebinde rusiyeniñ terroristik rejimi seferdarlıq başlattı ve bu adım olarnıñ iqtisadiyatına menfiy tesir eterek, insanlarnıñ kütleviy sürette çetelge qaçmasına sebep olğanı aqqında hatırlatamız.