2023 yanvarnıñ 19 , 20:17 Ukraina Prezidenti Volodymyr Zelensky Davosta keçken “2023 ukrain sabalığı” esnasında Ukraina özüniñ bütün topraqlarını azat etmege niyetli olğanını beyan etti.
Devlet yolbaşçısı Qırım Ukraina toprağı olğanını ve yarımada da rusiye işğalinden azat etilmek kerek olğanını ayttı.
Zelensky Qırımnı azat etmek içün Ukrainanıñ ağır silâğa muhtac olğanını qayd etti.
Zelenskyniñ sözlerine köre, Ukraina özüniñ bütün topraqlarını azat etmekni maqsat etip qoyğan. Ancaq bunıñ içün ittifaqdaşlarnıñ yardımı kerek, hususan ağır silânen teminlev meselesinde.
“O bizim toprağımız. Maqsadımız – bütün topralarımıznı azat etmek. Qırım – bizim yerimiz, bizim toprağımız. Bizim deñiz ve dağlarımız. Bizge ağır silâ berseñiz, Qırımnı keri qaytarıp alırmız”, – dey Zelensky.
Daa evel belli olğanı kibi, daimiy Temsilci Tamila Taşeva, Davosta keçken Bütündünya iqtisadiyat forumı-2023 çerçivesinde “Ukraina ve dünyanıñ kelecekteki tertibi” muzakeresi esnasında Qırımnıñ azat etlüvi Ukraina Prezidenti tarafından teklif etilgen barışıq Formulasınıñ direklerinden biri olğanını ayttı.
