Martnıñ 21-ne keçken gecesi Canköyde “Kalibr NK” rusiyeniñ qanatlı fişenkleriniñ patlatıluvından soñ, işğalciler şeerde “fevqulâde vaziyet” ilân ettiler.
Bu aqta Telegramda rusiyeniñ propagandaci RİA Novosti agentligi haber etmekte.
Canköy memuriyeti gece saatlerindeki ukrain insansız ava vastalarınıñ ücüminden soñ şeerde munitsipal seviyede fevqulâde vaziyet ilân etti, – denilmekte haberde.
QIRIM.News haber etkeni kibi, Ukraina Mudafaa nazirligi Baş istihbarat hızmeti vaqtınca ilhaq etilgen Qırımnıñ şimalindeki Canköy şeerinde yüz bergen patlavlar neticesinde demiryol üzerinden naql etlimekte olğan rusiyeniñ “Kalibr NK” qanatlı fişenkleri yoq etilgenini bildirmekte.
Martnıñ 20-de aqşam üstü Canköyde patlavlar olğanı eşitilgen. Yerli ictimaiy ağlarda bunen bağlı haberler peyda olğan.
