“Cebege yollanılmaq qorqusından dolayı”, – seferdar olğan rusiyeli askerler ilhaq etilgen Qırımda içkicilikke urula

Haberler
Muarrir
2023 yanvarnıñ 19 , 20:34
Muarrir
2023 yanvarnıñ 19 , 20:34

Soñki aftalar boyunca Qırımda  işğalci rusiyeli ordusınıñ sayısı bayağı artıp barğanı körünmekte ve olarnıñ ekseriyeti Qırımnıñ şimalinde, aynı zamanda İçli, Seyitler, İşlâm-Terek rayonlarında yerleşmekte.  

Bı aqta Qırımtatar halq Meclsiniñ reisi Refat Çubarov haber etti.

O, rusiyeli arbiylerniñ ekseriyeti Rusiyeniñ içindeki depressiv vilâyetlerden kelgen soylârı olğanını qayd ete.

“Artıq, yüksek aylıqlar ellerine keçken soñ, işbu alçaqlar bu paralarnı bir qaç kün içinde etraftaki içki ocaqlarında masraf etip bitireler. Yerli sakinlerniñ biri qayd etkeni kibi, “tübüne bılaştırğance içeler” ve sarhoş alda eken bu areketlerini cebege barmağa qorqqanlarını içün yapamız dep özlerini aqlamağa tırışa ekenler”, – dep ayta Çubarov.   

O, ayrıca, rusiyeli zabitler yerli maşna tamirci ve tamirhane saiplerini arbiy tehnika maşna ve tehnikanı bedava tamir ettirmege mecbur ete ekenler.