Grip ve KRVİ hastalıqlarınıñ qırğınlıq sıñırı aşqanı içün ilhaq etilgen Qırımnıñ mekteplerindeki sınıflar qapatıla

Haberler
Muarrir
2023 yanvarnıñ 18 , 20:15
Muarrir
2023 yanvarnıñ 18 , 20:15

İlhaq etilgen Qırımda grip ve keskin respirator virus infektsiyalar (KRVİ) hastalıqlarıınıñ sıñırı 32,2% aştı.

Bu aqta rusiyeli RİA Qırım haberleri propaganda agentligi haber etmekte.

Bir afta içinde aman-aman 9,5 biñ insan hastalanğan.

Hastalanuv derecesi artqanı sebebinden ilhaq etilgen yarımadanıñ mektep sınıfları ile bala bağçalarındaki gruppalar karantinge qapatılğanı qayd etilmekte.

Tasil esnası Ermeni Bazar, Keriç, Aqmescit, Yalta ve diger şeerlerniñ 20 sınıfı ile 14 mektebinde qapatılğan. Aynı zamanda Aluşta, Keriç, Or Qapı, Kefe ve diger şeerlerniñ 8 bala bağçasındaki 10 gruppada da.

Bir qaç kün içinde karantinge qapatılğan sınıf ve gruppaarnıñ sayısı eki misli arttı, * denilmekte haberde.