Rusiyeliler tarafında işğal etilgen Keriçte «Z» timsalı olğan avtobusta yanğın çıqqan.
Bu aqta “Krymsky veter” telegram kanalı haber etmekte.
Hususan, avdavcı uzun muddet boyunca yolcularnıñ yanıq qoqusı kelgeninen bağlı şikâyetlerine qulaq asmağan. Tek salonda ateş peyda olğanında areket etip başlağan.
İşhane naqliyat hızmeti yolbaşçısınıñ malümatına köre yanğın, kollektor üzerine tüşken tel sebebinden çıqqan.
«Z», «О» ve «V» ariflerini rusiyeli işğalciler öz ordusı ile tehnikasını işaretlemek maqsadınen Ukrainağa qarşı başlatılğan büyük tecavuz esnasında qullanıp başladılar.
