İlhaq etilgen Qırım şeerlerinde seferdarlıq celpnameleri sıqça dağıtılıp başladı. Kremlniñ qismiy seferdarlıq denilgen esnası tempini arttırıp barmaqta.
Buı aqta ”Milliy qarşılıq merkezi”haber etmekte.
Kremlniñ qısmiy seferdarlıq denilgen esnası tempini arttırıp barmaqta. Kolaborant aksionovqa rf ükümeti Qırımda kütleviy seferdarlıq olmaycaq dep söz bergenine baqmadan, Qırım soqaqlarında dağıtılğan seferdarlıq celpnameleriniñ sayısı asıl da eksilmey. Aynı zamanda Qırımğa köçip kelgen kolaborantlar ile rusiyelilerniñ telâşı hep artmaqta, – denilmekte haberde.
Ayrıca 2014 senesi yarımadada çalışıp başlağan rusiyeli biznes parasını çıqararaq, tahliyege azırlanğanı qayd etilmekte.
Bu mesele bilhassa, keçken sene bayağı zarar körgen, ihtimal, bu yıl da pek istenilmeycek olğan musafirhene ve restoran sahasınen bağlı.
