İşğalciler furtunadan dolayı Keriç keçitiniñ işini toqtattı

Haberler
Muarrir
2023 martnıñ 14 , 16:40
Muarrir
2023 martnıñ 14 , 16:40

Martnıñ 14-nde Keriç boğazındaki furtunadan dolayı Keriç keçiti öz işini toqtattı.

Bu aqta işğalcilerniñ Naqliyat nazirliginiñ matbuat hızmeti haber ete dep bildire  Qırım.Aqiqat.

Haber etilgenine köre, yelniñ 12-17 m/s tezliginde küçleneceginden sebep boğazda furtunalı vaziyet üküm sürmekte.

Ava vaziyetinen bağlı tahminlerge köre, martnıñ 14-nde 12-17 m/s tezliginde şimaliy-şarqiy ve şarqiy, aqşam saatlerinde ise 5-10 m/s tezliginde yel esecek, yağışlar beklenilmey, körüş mesafesi yahşı, dalğalar yüksekligi 70-120 cm olacaq.