Aqyarnıñ işğalci başı Myhaylo Rozvazhaev İAV ücüm etkeni aqqında ayttı.
Bu aqta o Telegramda haber etmekte.
İşbirlikçiniñ şeerge bir qaç dane İAV ücüm etti dey. Lâkin onıñ sözlerine köre, şeerniñ iç bir obyekti zarar körmegen.
Gece bizim arbiylerimiz Aqyarğa ücüm etken bir qaç dane İAV darbesini boşqa çıqardı. Qaçı çivarında Qara deñiz filosınıñ topçı quvetleri 2 dane İAV urıp tüşürdi, daa bir qaç danesi quvetsizlendirerek, diger mudafaa vastaları yardımınen endirildi, – dep yaza işbirlikçi
Yerli “Krymsky veter” Telegram kanalı patlavlarnıñ sesi ta Bağçasarayda eşitildi dep yaza.
Bizim malümatımızğa köre, patlavlarnıñ sesi saat 01:30da atta Bağçasarayda bile eşitildi, – denilmekte haberde.
