2022 senesi oktâbr ayında MHMŞ kâtibi Oleksy Danilov ğarpten kelgen jurnalistlerge bergen intervyusında Kahovka GESiniñ patlatıluv neticeleri aqqında hikâye etip bergen edi.
O, hususan, rusiye ordusi Kahovka GESini patlatılğan taqdirde vaqtınca ilhaq etilgen Qırım 10-15 yılğace içilgen suvsız qalacağını aytqan edi.
“Beklep turmaq kerek, eger olar onı epbir patlatacaq olsalar (Kahovka GESini – muarririyet), o zaman Qırımnıñ suvnen teminlenüvi 10-15 yılğace kesilir, belki de ömürlik. O zaman, suvsız qaldırmaq niyetinde iseler, Qırım olarğa ne kerek degen sual doğa”, – degen edi Danilov.
Glavkom neşiri yazğani kibi, GESniñ patlatıluvı rusiyelilerniñ özlerine quyu qazmaq sayılır, çünki Herson vilâyetiniñ Dnipro boylâp yerleşken sol sahili, sağ sahiline nisbeten Dnipronıñ aqışından aşağıda bulunmaqta. Yani ilk olaraq ilhaq etilgen topraqlarnı suv basar.
