İlhaq etilgen Qırımda rusiyeli basqıncılar Keriç köpüri üzerinde nezaret noqtalarınıñ sayısını arttırmaq istey ekenler.
Bu aqta işğalcilerniñ yerli “ÇHP/Sevastopol”telegram kanalı haber etmekte.
Qırımda turizm sezonından evel Qırım köpüri üzerinden qatnaycaq maşnalar sayısını arttırmaq isteyler. Bu maqsatnen kirişte tıqanıqlıq olmaması içün daa ziyade nezaret noqtası teşkil etilecek, – denilmekte haberde.
QIRIM.News haber etkeni kibi, rusiyeli turistler içün ilhaq etilgen Qırımda ucuz raatlıq programması qapatılğan edi. Bu yıl turist ve bala keşbeklerini yañartmamaq niyetindeler.
QIRIM.News yazğanı kibi, 2022 senesi ilhaq etilgen Qırımda teşkiliy turizm aqıımı tahminen eki qat eksilgen.
