2023 fevralnıñ 03 , 20:13 Ukraina Mudafaa nazirligi iştirak etken taraflar ile yatırımcılarnen beraber BAYRAKTAR İAV-sını teşkerüv, tamir, modernleştirüv, hadimlerni oqutuv kibi hızmetler berecek Merkez yerleşecek yerni tasdıqladı.
Bu aqta Mudafaa nazirliginiñ mudafaa topraqları baş idaresi ve fondlarınıñ yolbaşçısı Boris Zakutny haber etti dep bildireTelegramda Ukraina Mudafaa nazirligi.
Yaqında biz yatırımcılar ve iştirak etken bütün taraflar ile bir qaç körüşüv ötkererek, Merkez yerleşecek yerni tasdıqladıq ve qullanmaq içün berilecek topraq damartısı ile ileride ortaq qullanılacaq aerodrom meselesinen bağlı Yol haritasınıñ leyhasını azırladıq, – dey idare yolbaşçısı.
Ukraina Nazirler Şurası onıñ açılışı ile Ukrainada ilk Bayraktar İAV olaraq mahsullarını çıqarılıp başlaycaq zavodnıñ açılış müddetini 2025 senesine tayinlegeni qayd etilmekte.
Yatırım olaraq İAV çıqarğan zavodnıñ qurulışı ve teşkerüv, tamir ile modernleştirüv merkezi içün 10 yıl zarfında planlanğan meblağ 95,5 mln dollarnı teşkil ete.
Zavodnıñ qurulışı ve Merkezniñ donatıluvı yüksek tehnologiyalar transferi yapılmasını ve semereliligi ameliyatta teşkerilgen ve tasdıqlanğan zemaneviy İAV istisalınıñ lokalleşmesini maqsat etip qoymaqta.
