Al-azırda apishanelerde yatqan 50-ge yaqın siyasiy mabüs sağlıq vaziyetlerinde şikâyetçi, ekseriyetine tıbbiy yardım kösterilmemekte.
Bu aqta “Radio Kultura” efirinde Ukraina Prezidentiniñ QMC Daimiy Temsilcisi Tamila Taşeva ayttı dep bildire Ukrinform.
“Jeneva konventsiyası mücibi tıbbiy yardımnıñ kösterilmeyuvı, aslında insanlarğa eskence yapmaq demektir. Bizim sağlıq vaziyetleri fena olğan daa 50-ge yaqın insanımız bar, ekseriyetine tıbbıy yardım kösterilmemekte. Olarnıñ büyük bir qısmını yaşı yetken siyasiy mabüsler teşkil etmekte, – dep qayd ette o.
Taşeva qayd etkenine köre, Konstantyn Shiringa ile Cemil Gafarovnnıñ rusiye apishanelerinde vefat etmelerine aslında olar sebepçi oldı.
“Olarğa insan kibi davranmayuvlarını eskencenen bir tutmaq mümkün. Afsus ki, men bu aqta aytmağa da qorqam amma, rusiye apishanelerinde bu soñki ölüm ve ölümge alıp kelüv olmağandır”,- dep qayd ete Taşeva.
