“Qırım yaqın vaqıtta azat etilebile”, — Çubarov “Ramstein” formatındaki körüşüv aqqında

Haberler
Muarrir
2023 yanvarnıñ 20 , 20:33
Muarrir
2023 yanvarnıñ 20 , 20:33

Qırım yaqın vaqıtta azat etileble, lâkin bu mesele yaqın vaqıtta nasıl bir arbiy tehnika ve ne qadar berilecegine bağlı.

Bu aqta Apostrov TV efirinde Qırımtatar halq Meclisiniñ reisi Refat Çubarov  söz yürsetti.  

O, qayd etkenine köre Ukraina, Qırımnıñ azat etilüvinen alâqalı vaziyetni kerçek manada deñiştirebilecek uzaq menzilli top sistemalarğa muhtac.

Meclis reisi yarımadanı ağır uruşlar yapmayıp azat etmek mümkün ekenliginden emin.

“Qırım köpürini urıp, nasıl etip yıqacağımıznı bilgen taqdirde, bu yapılabilecek mesele. Ekinciden – eger biz rf- niñ Qara deñiz filosını darma-dağın etip olsaq. Üçünciden – yarımada ile rusiyeni bağlağan qaradan keçken koridornı qapatuv. Bilgenime köre, işte mına bü üç yönelişni bizim arbiylerimiz nezaret altında tuta”, – dep ikâye ete Meclis reisi.