2023 fevralnıñ 02 , 22:07 Qırım memuriyeti on eki dane ukrain bankınıñ mülküni milliyleştirecek.
Bu aqta Qırım “Devlet Şurasınıñ” reberi Volodymyr Konstantinov ayttı.
“Milliyleştirilecek mülk cedveline on eki dane ukrain bankınıñ taşılğan ve taşınmaz mülkü kirmekte”, – dey Konstantinov RİA Novostige.
Onıñ sözlerine köre, cedvelge “Finansy i kredit”, “Bank Forum”, “Ukrsibbank”, “İmeksbank”, “Pireus bank MKB”, “AB “Ekspress-bank”, “ Aktsionerny Prominvest bank”, “Ukrainsky aktsionerny kommertsiyny promyslovo-investitsiyny bank”, “Ukrsotsbank”, “Derjzhavny eksportno-importny bank Ukrainy”, “Nadra”, “MTB BANK” bankaları kirmekte.
