Qırımnıñ diger regionlardan iç bir farqı yoq: Kuleba yarımadanıñ azat etilüv aspektlerini izaatladı

Haberler
Muarrir
2023 yanvarnıñ 24 , 20:24
Muarrir
2023 yanvarnıñ 24 , 20:24

Minsk esnası çerçivesindeki körüşüvlerindeki hatalardan biri Qırım meselesiniñ uzatılması oldı. Bu arada yarımadanıñ özü ukrain topraqlarınıñ cumlesi içinde azat etilüv meselesinde ayrı bir yer tutmamaqta.

Bu aqta Ukraina tışqı işler naziri Dmytro Kuleba ayttı dep haber ete RBK-Ukraina nazirniñ Politicodaki saife köşesine esaslanıp.

Onıñ sözlerine köre, ğarpniñ rusiye havfına qarşılıq kösterüv strategiyası 2014 senesi bütün ukrain topraqlarını azat etüv meselesinde qatiy bir adımlar atuvğa esaslanmamaqta.

Şimdi bile, men Ukraina özüniñ topraq bütünligini tiklep almaq istey degenimde, jurnalistler şu arada: “Qırım da şu cumledenmi?” dep soraylâr. Aqılsız bir sual ve Qırım ayrı bir diqqatqa lâyıqtır denilgen rusiyeniñ ikâye küçüni quvetlendire. Yoq, bu yañlış. Qırımnıñ ne olğanı belli. “Minskniñ” eñ büyük hatalarından biri, rusiyege Qırım meselasi qapaldı dep inanamasına sebep bermesi oldı, – dedi o.

Nazir Qırım, Donbas, Herson vilâyeti, Kyiv ve diger regionlar arasında iç bir farq olmağanını qayd etti. 

Rusiye işğalciler Qırımnı 2014 senesi yaz-bahar aylârında zapt eterek, silâh namlusı altında uydurıq referendum ötkerüv vastası ve özleriniñ çanaqyalarları üzerinden yarımadanıñ RF-ke bağlanğanı aqqında ilân etkenini hatırlatamız.

Dmytro Kuleba