2023 fevralnıñ 02 , 21:42 Qırımnıñ marionetka reberi Sergiy Aksionov Qırımnıñ mesken-kommunal hocalığı saasında problemli vaziyeti bulunğan beş şeerni qayd ete.
“MKH saasında eñ qıyın vaziyette olğan şeerler arasına Keriç, Aqmescit, Kefe, Canköy ve Yalta kirmekte. Esas problemalar arasında – çevre-etrafta yapılğan temizlik ve nezaretsiz çöplik obaları, çöplikniñ çıqarıluvı, yeşil ösümlüklerniñ asralıp, pıtalması”, – dep yaza Aksionov Qırımdaki belediye şekillenmeler meselelerinen alâqalı olaraq ötkerilgen toplaşuvdan soñ telegram-kanalında.
O, memuriyet ile belediye yolbaşçılarına vazifelerniñ ekseriyetini “ekseriy allarda yolbaşçınıñ şahsen iştirak etivi yolunen” yerinde çezmek mümün olğanını hatırlata.
Aksionov ayrıca hadimlerniñ kerekli aletlrni şahsen satın almasına asla ruhset berilmemek kerekligini ayta.
“Eger böyle bir adisler aqqında belli olsa, şu arada politsiya hadimlerine haber etilecektir”, – dep yaza o.
Qırımnıñ yolbaşçısı memuriyet yolbaşçılarına belediyelerdeki vaziyetni hal etmeleri içün on kün berdi yani – cöremenen cezalanacağına dair nihaiy qarar çıqqance.
