Qırımtatar halqınıñ büyük bir qısmı Ramazan ayını ilhaq, rusiyeniñ repressiyaları ve qılınuvları altında qarşılamağa mecbur.
Bu aqta özüniñ video muracaatında Ukraina Prezidenti Volodymyr Zelensky ayttı.
Bu aqşam musulmanlar içün mübarek olğan Ramazan ayı başlay. Ukrainanıñ musulman cemaatı, qırımtatar halqı Ramazan ayını ilhaq, rusiyeniñ repressiya ve qılınuv telükesi altında, Ukrainanıñ diger yerlerindeki atışuv ve cephedeki uruşlarda qarşılamağa mecbur, – dey Zelensky.
Devlet yolbaşçısı iç şübesiz ki, ürriyet, sayğı ve bütün devletimiz ile vatandaşlarımızğa telükesizlik qaytarıp alacağımıznı qayd etti.
İşbu mübarek ayda yapılğan dua küçü Ukrainanıñ imansız rusiye belâsından, iç bir şeyge inanmayıp, böyle bir terror yapqanlardan qurtarsın. Kelecek Ramazan ayı barışıq ve rusiyeden azat etilgen Ukraina toprağında başlasın. Ramazan ayı mubarek olsun!, – dep ayttı Prezident.
QIRIM.News haber etkeni kibi, martnıñ 23-nde sabah Ramazan ayınıñ ilk kününde işğalciler Bağçasarayda yaşağan Qırımtatar halqı Qurultayınıñ delegatı Mustafa Mustafayevniñ evine atılıp kirgen.
