Qırımtatar Resurs Merkezi Ukraina suv resursları Devlet agentligi ile Ukraina meleoratsiya ve suv hocalığı devlet agentligine Qırımdaki suv ambarlarınıñ adını deniştirüvde qol tutması ricasınen mektüp yollağan.
Bu aqta QRM Telegramda haber etmekte.
Qırım yarımadasında Ukrainanıñ “Ukrainada kommunistik ve milliy-sotsialistik (milletçi) totalitar rejimlerni mahküm etüv ve olarnıñ timsalleriniñ propagandasını yasaqlav” Qanunına istinaden bir qaç coğrafik isimlerniñ, hususan Partizan suv ambarınıñ adı deñiştirlmek kerek, – denilmekte mektüpte.
Ekspertler qayd etkenine köre, Qırımda tarihiy esası olmağan ve yarımadanı ruslaçtıruv em de sovetleştirilüvnen bağlı pek çoq isimler qalmaqta. Qırım yarımadası azat etilgen soñ onıñ üzerinde Ukraina bayrağı tekrar dalğalanmağa başlağan vaqıtta, vaqıt coymamaq içün tarihiy ceetten esaslandırılğan toponimlerniñ Qırım haritası üzerine qaytarıluvını azırlamaq kerek.
QRM 14 dane suv ambarınıñ adını deñiştirmekni teklif ete.
