2023 fevralnıñ 02 , 21:56 Avropa Birligi rusiyege qarşı qabul etilecek sanktsiyalarnıñ 10-ncı paketinen bağlı işini rusiyeniñ Ukrainağa qarşı başlatqan büyük tecavuz künü olğan fevralniñ 24-ne qadar yekünleycek.
Bu aqta Avropa komissiyasınıñ prezidenti Ursula von der Leyen Kyivde Prezident Volodymyr Zelensky ile KHV temsilcilerinen ötkergen körüşüvi esansında ayttı dep haber ete Ukrinform.
Büyük tecavuz başlanğanına bir yıl tolğan vaqıtta biz sanktsiyalarnıñ 10-ncı paketini azırlağan olacaqmız (AB rusiyege qarşı – muarririyet), – dep ayttı von der Leyen.
Avropa komissiyasınıñ prezidenti rusiye özü sebepçi olğan bitün harabeler içün para tölemege ve Ukrainanıñ ğayrıdan qurulıp çıqması içün para bermege mecbur qalacağını qayd etti.
Yani rusiye devletiniñ parası Ukrainanıñ faydasına işletilecek. Bu iş nasıl yapılacağını qarar bermektemiz, – dep qayd etti Avropa komissiyasınıñ reberi.
