Cenk zamanında tahminen 700 biñ musulman rusiye tarafından ilhaq ve işğal etilgen topraqlarında qalıp ketti.
Bu aqta Telegramda musulmanlar içün mubarek olğan Ramazan ayınıñ ilk kününde Ukraina Mudafaa nazirliginıñ matbuat hızmeti haber etmekte.
Ukrainada 2 millionğa yaqın musulman yaşamaqta. Umumen 300-den ziyade cami ve mescit, 90 dane musulman bazar künü mektebi, ve 7 dane diniy AOY mevcuttır. Cenk zamanında tahminen 700 000 musulman rusiye tarafından vaqtınca ilhaq ve işğal etilgen Ukraina topraqlarında qaldı. 300 000-ñi köçmege mecbur qaldı, – denilmekte haberde.
Mudafaa nazirliginde qayd etilgenine köre, cami ve mescitlerniñ büyük bit qısmı rusiyeniñ fişenk ve mermilerinen virane etilgen.
Al-azırda USQ er dördünci batalyonında Ukrainanıñ azatlığı ve mustaqilligi, öz evi içün küreşken musulmanlar hızmet etmekte, – dep haber ete mudafaa nazirliginiñ hadimleri.
Ayrıca Mudafaa nazirligi Ukrainanıñ azatlığı ve mustaqilligi içün küreşken bütün musulmanlarğa bağışlanğan videoderc etti.
