Qırımtatarlar Lenur Temirovnı Kıyivde qarşılap aldılar. Fotoreportaj

Maqaleler
Muarrir
2021 avgustnıñ 04 , 17:27
Muarrir
2021 avgustnıñ 04 , 17:27

Bugün saba erte Lenur Temirovnıñ uçqan uçağı “Boryspil” ava limanında kelip qondı. Onı anda dostları, faaller ve kelip onı qarşılaycağını asla ümüt etmegen ömür arqadaşı kelip qarşıladılar.

O, bir Halq çempionı kibi qarşılandı.

Dostlarımnı körmekten pek memnünim. Maña böyle bir sürpriz yapqanıñız içün sağ oluñız. Mında apayımnı da körerim dep asla ümüt etmegen edim, — dey Temirov.

Ukraina sportçısını Qırım Muhtar Cumhuriyetiniñ küreş Federatsiyası temsilcileri, Ukraina yunan küreşi Federatsiyasınıñ azaları, ömür arqadaşı ve dostları qarşıladı. Umumen 20-ge yaqın insan toplaştı.

Lenur Temirov Tokioda ötkerilgen 2020-Olimpik Oyunlarında iştirak etkenini hatırlatıp keçemiz. O, yunan küreşinde yarışaraq, beşinci yer aldı. Tunç medal içün küreşkende aynı esapnen Çin temsilcisine yeñildi.