Ramazan ayında çoq sevap qazandıracaq 10 amel

Haberler
Muarrir
2021 aprelnıñ 16 , 12:00
Muarrir
2021 aprelnıñ 16 , 12:00

Ramazan ayı hayırlı amellerniñ mukâfatını arttırğan bir aydır. Cehennem qapısı qapalğan ve Cennet qapısı artınace açılğan bereket tolu bir zamandır. Elbette ki, bu ay Allah tarafından begenilgen işlerni ziyade yapmaq ile özümizde yañı hayırlı ve sevaplı alışqanlıqlar terbiyeleycek eñ uyğun zamandır desek, yañlışmammız.  

Bu künlerde maneviyatıñıznı yüceltmege azırsıñızmı? O zaman keliñiz, on bir aynıñ Sultanı zarfında mümkün olğanı qadar sevap ve Allahnıñ razılığını qazandıracaq 10 amelge diqqat eteyik.

1. Çoqça dua etmeli ve Allahnıñ dualarımızğa cevap bereceginden asla ümüt kesmemeli. Rahman ve Rahim olğan Allahtan günahlarımıznı afu etmesini istemeli. Buhari cıyıntığındaki bir hadiske köre, Hz. Muhammed ﷺ “Allah duada israrlı olğanlarnı” sever dep buyura.

2. Rabbimizni zikir, Peyğamberimizni ﷺ salâvatlar ile añmalı.

3. Ay devamında bir qutuğa para toplap, sadaqa niyetinen muhtaclarğa dağıtmalı.

4. Muhtac ailelerge iftarlar yapmalı. “Orazalı bir kimseniñ iftarına yardım etken (yemek bergen), oraza tutqan kişiniñ sevabını eksiltmeden, onıñ qadar sevap qazanacaqtır” (Sunan-Tirmizi).

5. Yüce Allahnıñ adlarını ve olarnıñ manalarını ezberlemeli. İmam-ı Buhariniñ ketirgen hadisine köre, Hz. Muhammed ﷺ şöyle buyurğan: “Allahnıñ 99 adı bar, yüzgece bir sayı yetmey. Şu adlarnı ezberlegen Cennetke kirer”.

6. Peyğamber efendimizniñ ﷺ sunnetine mümkün olğanı qadar uymağa tırışmalı.

7. Quran-ı Kerimni daa ziyade oqumalı ve diñlemeli.

8. Bir qaç dane tesbih alıp, olarnı musulmanlarğa dağıtmalı ya da camide qaldırmalı. İnsanlar zikir yapqanda, Allahnıñ izni ile sevabı sizge de yazılır.

9. Ayvanlarnı aşatmalı ve ösümliklerni suvarmalı.

10. Mübarek ay içinde yapılıp kelgen hayırlı amellerimizni Ramazan ayından soñ da devam ettirmeli.